Psa 8 | PON2006Z | STEP | Maing KAUN, at Kaun, sapwellimomwi roson lapalap kin sansal wasa koaros nin sampah! Kapingpomwi kin leldawohng nanleng;

b 8.2Mad. 21.16.

c 8.4 Sohp 7.17-18; Mel. 144.3; Ipru 2.6-8.

d 8.5Kupw 2.23; Sir 17.1-4.

e 8.61 Kor. 15.27; Ep. 1.22; Ipru 2.8.

Psalms 8

Lingan en Koht oh Kesempwal en Aramas ^{▼▼ TITLE NI MAHSEN EN IPRU:En Depit melkahka.}

1 Maing KAUN, at Kaun,
sapwellimomwi roson lapalap kin sansal wasa koaros nin sampah!
Kapingpomwi kin leldawohng nanleng;
2 seri kan oh seri pwelel kan pil kin kapinga komwi.
Komwi me ketin kauwadahr kelen mahwen ong sapwellimomwi imwintihti kan,
pwe en irehdi irail koaros me kin pelian komwi. ^b

3 Ni ei kin kilangdawohng pahnlahng, iei wiepen nin limomwi,
maram oh usu kan me komw ketin koasoanedier nan dewerail—
4 dahkot aramas, me komwi kin ketin kupwukupwure;
aramas mwahl, me komwi kin ketin apwahpwalih? ^c

5 Komwi me ketin koasoanehdi aramas pwe komwihte me re pahn patopato pah;
komwi me ketin kamwarehkinirailda lingan oh wahu. ^d
6 Komwi me ketin koasoanehdi pwe en kaunda wiepen nin limomwi koaros,
komwi me pil kasapwiladahng pohnangin mehkoaruhsie. ^e
7 sihpw oh kou koaros, oh pil mahn lawalo kan;
8 menpihr kan oh mwahmw akan,
oh mehkoaros me kin aude nan madau.

9 Maing KAUN, at Kaun,
sapwellimomwi roson lapalap kin sansal wasa koaros nin sampah!

Psalms 8

Lingan en Koht oh Kesempwal en Aramas ▼▼ TITLE NI MAHSEN EN IPRU:En Depit melkahka.

Lingan en Koht oh Kesempwal en Aramas ^{▼▼ TITLE NI MAHSEN EN IPRU:En Depit melkahka.}